كتب/خيري عبدربه
المنحني اللي نازل ده ، هو سعر الدولار الامريكي وهو نازل بالغواصة مقابل الروبل الروسي .
..
عملوها ازاي ؟؟
روسيا اصدرت قرار بتصدير الغاز بالروبل فقط ، يعني اوروبا لما تحتاج تشتري غاز لازم تدفع بالروبل .
جميل جدا .
طيب و اوروبا علشان تجيب روبل تدفع بيه تمن الغاز تجيبه من فين ؟
من البنك المركزي الروسي .
جميل … جميل .
يلا بينا علي البنك المركزي الروسي نشتري روبل ندفع بيه تكن الغاز..
⏸ازيك يا عم بنك مركزي روسي ، عايزين روبل نشتري بيع غاز بعد اذنك .
⏸هتشتروا روبل ب أي عملة ؟؟
باليورو أو الدولار طبعا .
⏸ده هناك ، عندكم، إحنا هنا في روسيا ، عايز روبل ، تشتريه بالذهب .
⏸ دهب !! دهب إيه ؟؟
يلا يا حبيبي منك له ، روحوا ب دولارتكم ويوروهاتكم الللي مالهاش لازمة دي ، شويه ورق ، اشتروا بيهم دهب وتعالولي ، ابيعلكم الروبل بالذهب بتاعكم .
ويروحوا يشتروا دهب ويرجعوا .
⏸تمام الذهب اهو، هات روبل بقي.
ويديهم البنك المركزي الروسي روبل ، يطلعوا بيه علي عم الكوكب بوتين ، علشان يوافق يصدرلهم غاز وهو حاطط رجل علي رجل .
…
وبكدة روسيا ربطت عملتها بالذهب بدل الدولار ، ودي كانت قصة نجاح خزعبليه بيتكلم عنا اقتصاديين الكوكب حاليا