متابعة ضحي شلبي
خبر محزن جدا ومأساة جديدة بتتكرر بعد نيرة اشرف ومن بعدها الطالبة سلمى بهجت …
اتكرر تاني نفس الجريمة بمقتل الطالبة ” اماني عبد الكريم الجزار ” 19 سنة كلية تربية رياضية.. على ايد شاب اسمه ” احمد فتحي عميره” 29 سنة من نفس القرية اللي قاعده فيها اماني!…
قرية طوخ طنبشا التابعة لمركز بركة السبع بالمنوفية من ساعات شهدت جريمة قتل … شاب اسمه احمد فتحي ضرب الطالبة ” اماني” بسلاح ناري وهي تحت بيتها! الناس حاولوا يلحقولها للمستشفى بس للاسف البنت ماتت!…
سبب القتل هو هو السبب اللي مستمر معانا بقالو فترة من بعد مقتل نيرة اشرف! الشاب اللي اسمه احمد اتقدم ل اماني وأهلها رفضوه لأنه شاب بيشرب مخدرات ده على حسب كلام الأهالي… فبعد الرفض من الاهل الشاب هدد أنه هيقتلها لو ماقبلتش بيه واهو حصل من ساعات ونفذ تهديده!…
اماني معروف عنها انها بنت محترمه ومتفوقه في دراستها .. واحمد القاتل معروف عنه أنه شاب بيشرب مخدرات!… لحد امتى الجرائم دي هتفضل مستمرة! هتفضل لان لحد الان لسه بنحامي لقاتل نيرة اشرف وبندور له على مبررات ومحامين كبار بيدافعوا عنه وعمالين يخوضو ف عرض المجني عليها! ونفس القصة في سلمى بهجت !…
هتفضل الجرائم دي طالما مفيش اي عقاب للجاني