بقلم د. احمد حمدى مدير عام المجازر والتفتيش عن اللحوم
اختلف الناس على الفراخ المجمدة وجودتها وصلاحيتها للاستهلاك الآدمي
وفي البوست ده هنعرف مع بعض ازاي نشتري فراخ مجمدة وناخد بالنا من إيه
👈 لما نيجي نشتري فراخ مجمدة لازم نمسكها في ايدينا ونفرزها ما نشاورش عليها من بعيد ونسيب البياع يشيلها في الكيس
👈 أول حاجة ملمس الفرخة هل هي طرية ولا متجمدة كويس ( طبعاً لازم تكون متجمدة كويس جداً)
👈 هل على الكيس أي قطعات أو تلج أو سوائل متجمدة مدممة ( وف الحالة دي نستبعدها)
👈 نلاحظ تاريخ الصلاحية ويفضل يكون بعيد
👈 لما نروح ونفتح الكيس لو لقينا بقايا ريش أو لون غريب ظاهر على جسم الفرخة ( احمر او بني مثلا او حروق تجميد ) ياريت نرجعها ومنستهلكهاش
👈 لو شوربتها كان لونها احمر او غامق بشكل غريب بلاش نستهلكها
👈 لو اثناء الطهي ظهرت ريحة وحشة بلاش نستهلكها